يامسافر للجفا
يا مسافر للجفا.. والوصل يبكي عليك
وين عهدك بالوفا.. للخفوق اللي يبيك
لي جناح ولك جناح ...ولا نطير الا سوا
اسقني عذب القراح ..لي زمان اشرب هوا
ليت لي قلب خلي .. ماعرف فرقا الوليف
لا عليه ولا علي ..لا ربيع ولا خريف
الهوى امره عجيب ..مره يسابق حلاه
ان صفا ود الحبيب ..الزمان ابعد مداه
ويل قلبي يالغرام ..كل يوم لي قصيد
اشتكى مني الكلام ..اجرح حروفه واعيد
دايم السيف
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تدلل علينا
تدلل علينا ياسمي الظبي وش عاد
تدلل ولك بأمر الهوى شافع عندي
ولك في خيال العاشق المهتوي ميعاد
ومجلس على غيمة وليلة قمر نجدي
أسافر معك لبلاد وأنزل معك في بلاد
ومن غيمه لغيمه ولا للسماء حدي
رسمتك ضحوك الفجر يافرحه الأعياد
ولمعة شعاع ينغمس في ندى وردي
وغنيت بك صوتٍ بقلب الهوى ميلاد
ونغمة غرام ذاب في لحنها وجدي
أشوفك مطر .. هتان .لابرق لا رعاد
من الوسم يبعث بالصحاري زهر ودي
أحبك وصل وأبعاد أحبك رضى وأعناد
ولا يختلف وعدي ولا ينتقض عهدي
الثلاثاء يوليو 29, 2008 6:24 pm